أمير طعيمة: أرفض مقارنة دنيا سمير غانم بعمرو دياب رغم تفوق أغنيتها

تلفزيون الفجر الجديد– رفض الشاعر الغنائي أمير طعيمة مقولات ترددت بعد تخطي أغنية " قصة شتا " لدنيا سمير غانم بعض أغاني الفنان عمرو دياب، إن تاريخ دنيا الغنائي يتفوق علي تاريخ عمرو.

وقال طعيمه في توضيح نقلته دنيا نفسها على صفحتها بالفيس بوك: " لما بعض الصحف بتسلط الضوء علي تخطي أغنية قصة شتا بعض أغاني الفنان عمرو دياب، ده مش معناه انهم بيقولوا إن تاريخ دنيا الغنائي يتفوق علي تاريخ عمرو".

وتابع: " دي مقارنة بين عملين فنيين لا أكثر و لا أقل، مقارنة مبنية علي أرقام و مش علي أهواء، يعني لو نزل فيلم للفنان أحمد حلمي و تفوق علي فيلم للعملاق عادل امام جماهيريا أو فنيا مش معني كده ان فيه حد بيشكك في قيمة عادل إمام".

ووصف طعيمه في توضيحة المقارنة بين تاريخ النجمين بـ " التعصب "، مضيفا: " التعصب في السياسة و الرياضة و الفن و في أي مجال بيضعف المجال، أنا شخصيا بحب عمرو دياب طبعا و واحد من جمهوره و عمرو كان سبب من الاسباب اللي ربنا سببها عشان موهبتي توصل للنور، بس عمري ما بفترض ان لازم ال ١٢ أغنية بتوع عمرودياب يبقوا أفضل ١٢ أغنية في السنة، ده مش واقع و مش حقيقة حتي لو البعض بيضحك علي نفسه و بيقول كده، الفنان مش نبي ده بشر بيصيب و يخطأ في حياته فما بالك في إختياراته الفنية".