لازانيا بالخضار جربيها بنفسك

تلفزيون الفجر الجديد-

المقادير:

*شرايح لازانيا
*برطمان الريحان
*زيتون مفروم – بس مش ضرورى للوصفه و ممكن تحطوا زتيون سليم لو تحبوا
*صوص مكرونه عادى – كتروا منه و ماتعملهوش تخين اوى .. خليه خفيف شويه
*طماطم متقطعه شرايح

*الخضار ممكن تستعملوا اى خضار تحبوه

-بصله
-جزر
-بروكلى متقطع صغير
-فلفل اخضر( متقطع حلقات )
-كوسه متقطعه شرايح
-بطاطا( متقطعه شرايح رفيعه )
-قرع( يتقطع شرايح رفيعه )
-مشروم( متشوح خفيف فى زيت و توم )
-باذنجان( اما مقلي او مدهون بزيت و يتسوى فالفرن شويه قبل ما يتحط فاللازانيا )
-سبانخ( تتسقط فىمية بتغلى دقيقه و تتشال – تتصفى و ممكن تتفرم او تتحط بورقها صاحى )

الطريقه:

شوية من الصلصه توضع فى اسفل الصينيه و فوقيها شريحة لازانيا
تتدهن شريحة اللازانيا بشوية صلصة ريحان
حطى نوع من انواع الخضار اللي هتستعمليها و رشي شوية فلفل اسود
شريحه تانى لازانيا و تتدهن بالزيتون المفروم لو هتستعمليه اوتتدهن ريحان تانى
نوع خضار آخر و هكذا لغاية ما آخر طبقه تكون شريحة لازانيا
لو هتستعملى القرع او بطاطا حطى مع الطبقه دى شوية صلصه
الطبقه الأخيره حطى عليها حلة الصوص كلها
فوق الصلصه وزعى شرايح الطماطم و رشي عليهم فلفل اسود
لو تحبى ممكن تحطى ورقة ريحان فوق كل طماطمايه
بس لازم تحطى زيت زيتون فوق البازيل
تتخبز فى الفرن على حوالى 200 درجه لمدة نص ساعه تقريبا