فيديو مطول – أحداث الحلقة 19 من مسلسل باب الحارة 5 – الحارة تعلم بأن أبو شاكر الموجود بالحارة مزيف !
تلفزيون الفجر الجديد – كما عودناكم ووعدناكم دائماً بتغطية أحداث حلقات مسلسل “باب الحارة 5” قبل عرضها على شاشات التلفزيون …
1. مأمون بيك يحلم بكابوس مخيف وهو أن النمس يخنق به ، فيصحى مفجوعاً .
2. الشيخ عبد العليم يُخبر مأمون بيك بأن معتز ورجال الغوطة هربّوا أبو حاتم من الكراكون .
3. لطفية تريد الرجوع إلى بيت زوجها عصام وفريال تمنعها من القيام بذلك .
4.مأمون يقول لأحد جواسيسه : بتراقبلي قهوة أبو حاتم ، مين فايت مين طالع مين قاعد مين عم يستطلع وبترجع لعندي دغري ..
5. حوار بين مأمون وأبو قاعود :-
مأمون يقول : ياسين صالح أبو زيد ، مو هادا هو إسمك ؟
أبو قاعود : مزبوط ، ما شاء الله عليك يا مأمون ، إنت شو عرفك ؟
مأمون : أنا ما بخفى علي شي بهالحارة ، أنا بعرفك وبعرف إسمك وبعرف شو بتشتغل وليش جاي هون !!
أبو قاعود : ما عم بفهم عليك يا مأمون بيك ..
مأمون ضاحكاً : لك خلص طلاع من هالسلبة ، هيك بواب ما بتفوت عليي .. بس بتعرف عنجد مبسوط منك ، قول ليش ، لأنك بسرعة فتت بين رجال حارة الضبع وخليتهم كلن يحبوك ، لك مو معقول إنت عامل جدبة ؟! اللي بشوفك بقول عنجد جدبة !
أبو قاعود : آه آه .. هادا كلو بفضل رب العالمين يا مأمون بيك ..
أبو قاعود ( خارجاً من عند مأمون ويقول في نفسه ) : العما ، شبو هاد ، لك عنشو عم يحكي والله رح بيجنني هالزلمة ، معقول يكون عرف وعم يلعب فيني وبأعصابي !!
( والحقيقة أن مأمون بيك مفكر أن أبو جاعود أحد رجاله والذين سوف يدافعون عنه من قبل الكومندان !! )
6. حوار بين أبو حاتم ومعتز في الغوطة :-
أبو حاتم يقول : والله يابو العز اللي عرفتلك ياه قبل ليجي أبو جودت وعناصره وياخدوني ع النظارة شي خطر كتير .
معتز : شو هو عمي إحكي ؟!..
أبو حاتم : أبو شاكر !!
معتز : أبو شاكر المنجّد اللي بحارتنا ؟!
أبو حاتم : طلع ماهو منجّد ولا إسمو أبو شاكر ولا جايي من الكسوة !!
معتز : لازم كل رجال الحارة تعرف باللي بصير ما لازم المي تمشي من تحتنا !!
7. ابو صياح في حارة الضبع ويذهب إلى عصام ويخبره بأمر أبو شاكر ، وعصام يندهش !
8. معتز يزور عقيد حارة الماوي ، وحوار بينهما :-
عقيد حارة الماوي يقول : أهلين يا عقيد ، شو يلي جابك لهون ؟!
معتز : والله مرقت على حارتي ، قمت لقيت دورية للكلاب الفرنساوية قلت لحالي بجي لعندك ..
9. حوار بين الشيخ عبد العليم وعصام :-
الشيخ عبد العليم يقول : أنا على كل حال رح افاتح ابو كامل بقصة أبو شاكر ورح خبرو بكلشي عرفنا عنه ، باعتبارك هاد الزلمة ما عنده خبره بإنه هو منتحل شخصية واحد تاني ؟!
عصام : والله ما بعرف شو بدي قلك يا شيخي .. بس أنا بقول إنو نتروا شوي وما نخبر عمي أبو كامل بشي …
10. أبو شاكوش يفكر بخطف أحد الأشخاص .
شاهدوا فيديو مشاهد طويلة من الحلقة 19 من مسلسل “باب الحارة 5”
شاهدوا فيديو مقتطفات من أحداث الحلقة 19 من مسلسل “باب الحارة 5”
تابعوا معنا دائماً أحداث حلقات مسلسل “باب الحارة 5” قبل عرضها فقط وقبل الجميع على موقع تلفزيون الفجر الجديد