أحمد حلمي يوضح حقيقة ظهوره مع “ميسي”

تلفزيون الفجر الجديد- إعلان جديد للممثل أحمد حلمي صدر ضمن حملته الجديدة لمنتجات "شيبسي" الجديدة، ولكن هذه المرة ظهر معه لاعب كرم القدم الأرجنتيني ليونيل ميسي.

ظهر ميسي في الإعلان وهو يسير ممسكا بكيس "شيبسي" ويطلب منه محبيه التقاط صورا تذكارية معه، وبينما ينشغل في التصوير يأكلون هم من الكيس حتى ينفذ تماما ويفاجأ بذلك، ويمر من أمامه "حلمي" ممسكا بكيس آخر، فيطالبه بالتقاط صورة معه.

ومن الواضح بالإعلان أن حلمي لم يلتقي بميسي أثناء تصوير الإعلان، فكل منهما صور الجزء الخاص به وتم لحمهم وتركيب المشهدين في المونتاج.

وأوضح ذلك حلمي كاتبا عبر صفحته الرسمية بموقع Facebook

"يا اصدقائي وصديقاتي الاعزآء .. انا مقولتش اني قابلت ميسي ولا حتي شفته .. انا قولت "ده اعلاني الجديد مع ليونيل ميسي" .. انما كل واحد مننا صور الجزء بتاعه في بلده .. وده الطبيعي اللي بيحصل في الاعلانات اللي بيكون فيها كذا شخصيه من جنسيات و دول مختلفه .. ممكن تكون غلطتي اني موضحتش طريقة عمل الاعلان .. بس ده لاني تخيلت ان دي حاجه ممكن تكونوا عارفينها .. وعلي فكره في اعلانات كتير اجنبيه اتصورت بالطريقه دي برضه .. بس طبعا كله لازم يكون بالاتفاق والموافقه مع كل الاطراف اللي هتظهر في الاعلان .. يعني كل واحد لازم بيبقي عارف مين الشخصيه اللي هاتظهر معاه في الاعلان ولازم يكون موافق عليها كمان .. والا كان بقي زمان كل واحد راح عمل اعلان لنفسه حط فيه كل نجوم العالم ..
علي فكره انا لما عملت الصفحه دي عملتها علشان اكون متواصل معاكوا .. مش علشان اخدعكوا .. لان اخر حاجه ممكن اعملها في حياتي هي اني اخدعكوا او اضحك عليكوا .. لاني قبل ما اخدعكوا هاكون بخدع نفسي .. اوعدكوا المره الجايه في اعلاني مع "جيمس بوند" هابقي دقيق اكتر من كده .. ((مافيش اعلان مع جيمس بوند ولاحاجه .. انا بهزر لحسن تاخدوها بجد)) .. وكل سنه وانتوا طيبين "

من ناحية أخرى، طرح حلمي الإعلان الأول لفيلمه الجديد "صنع في مصر"، ومن المقرر عرضه في عيد الفطر، ويشارك في بطولته ياسمين رئيس، دلال عبد العزيز، وإدوارد، والطفلة نور عثمان، وهو من تأليف مصطفى حلمي وإخراج عمرو سلامة.