فقد ثقته بالفتيات لأن احداهن رفضت التحدث عن ماضيها!!

تلفزيون الفجر الجديد

وصلت احدى المواصع الالكترونية هذا الأسبوع رسالة من طالب جامعي لم يسبق له أن ارتبط بفتاة أو أنشأ علاقة عاطفية مع انثى، وهو اليوم لا يثق بالفتيات ويدعي أن غالبيتهم الساحقة يمارسن الفاحشة والحرام، لمجرد أنه تعرف على فتاة بمساعدة والدته، ورفضت تلك الفتاة أن تصارحه أو أن تتحدث عن ماضيها، الأمر الذي أثار غضبه وجعله يتردد ويعيد النظر في مسألة الزواج.. وفي ما يلي نص الرسالة كما وصلتنا وهي باللغة العامية الدارجة

السلام عليكم انا شاب عمري 26 سنة، خلصت تعليمي السنة من الجامعة، وتوظفت والحمد لله كل شيء مشى مثل ما بدي، مشكلتي هي اني عمري ما دخلت بعلاقة عاطفية، والسبب في هذا انه اللي ما بقبلوا على عرضي ما بقبلوا على الناس، ولحد اسا انا ضد الدخول في علاقات بدون علم الاهل، المهم، طلبت من امي انها تشوفلي بنت حلال، وتفاتح اهلها بالموضوع، بس بشرط اني قبل ما ارتبط فيها رسميا اني اقعد انا وهي سوا واشوف اذا انا وهي متفقين، وامي ما قصرت وبظرف شهر كانت مخلصة الموضوع، واهلها وافقوا على طلبي، البنت اصغر مني ب-3 سنوات، متعلمة، قعدت انا وياها وحكينا بكثير شغلات، في اشياء كثير كنا متفاهمين فيها، ومجرد اشياء قليلة جدا اختلفنا فيها، بس في شغلة واحده، خلتني اعصب واطلع عن طوري.

هاي الشغلة هي: الماضي، سألت البنت عن ماضيها، وعن علاقاتها السابقة، قام قالتلي انه انا ما الي دخل بماضيها، وانه هذا الشيء ما بيعنيني وانه المستقبل اهم من الماضي، فقلتلها انه كيف المستقبل مش من حقي وانا رح اكون زوجها بالمستقبل، بس هي اصرت على رايها، ورفضت تحكي.

وانا اعطيتها مهلة اسبوع تفكر باللي طلبتوا وتردلي جواب بقرارها، وقلتلها اني مش رح اوافق ارتبط فيها اذا ما حكت عن ماضيها بصدق، اسا اللي بدي افهمو، مين المسؤول عن الماضي، انا مع انه المستقبل اهم من الماضي بالنسبة للعلاقة، ومع انه كل شخص ممكن يغلط، بس برضو انا لازم اعرف الماضي، لانه مش معقول انه تكون البنت مرتبطه ب-5 علاقات قبل الزواج، يعني غلطانة 5 غلطات، ليش تني اتحمل انا غلطاتها وتجاربها الفاشلة، هي قضتها حب وغراميات، والله اعلم شو ممكن تكون تحكي مع الشباب، انا صراحة بلشت افكر اني ازيح فكرة الزواج من راسي، لاني شايف انه اغلب بنات اليوم بفوتوا بعلاقات، وقليل جدا نسبة تقارب الصفر من هذه العلاقات بكون هدفها جدي وبتنتهي بالزواج، لكان شو الهدف من هاي العلاقات، انا مش قادر استوعب ليش البنت بتفوت بهاي العلاقات وهي عارفة انه اللي بتعملوا غلط وحرام ومش رح ينتهي بالزواج، وبرضو بتفوت على العلاقة.

بصراحة انا لاحظت انه نسبة 90% واذا مش اكثر من البنات موجودات بعلاقات عاطفية، كل يوم بحاول اقول انه اكيد انا غلطان وبشوف اشياء بتثبت اللي بقوله، يا ريت تساعدوني، هاي الشغلة ماخذه اغلب وقتي وتفكيري، حتى اني صرت اعصّب لاتفه الاسباب هذا غير الاحاديث اليومية والمشاكل اللي بتصير بيني وبين عائلتي اللي بتحاول تقنعني انه اتقبل هاي الشغلة لانه هيك مجتمعنا صار، ما دام مجتمعنا صار هيك فعلى الدنيا السلام، اظلني عزابي طول عمري ولا اخذ بنت اضيع وقتي وتعبي ومالي عشانها وبالاخر تطلع كذابة وعاملة اشياء حرام ومقضيتها تتسلى بالعلاقات مع الشباب، شو افرقت هاي عن بنات اوروبا،