لمتابعة أهم الأخبار أولاً بأول تابعوا قناتنا على تيليجرام ( فجر نيوز )

انضم الآن

قــــــــــوارب الجبنـــــــــــــة



الفجر الجديد – قبل لا نبدا بأي شي نحط شوي زيت زيتون + 2 فص ثوم مدقوق ونتركهم على جنب .
نبدا نسوي العجينة ..

مقاديرها :-
3 ك طحين
والافضل الكويتي
3 ملاعق كبيرة حليب بودره
1 ملعقة كبيرة سكر
رشة ملح
بيالة شاهي زيت زيتون
1 ك مويه دافيه و نذوب فيها ملعقة كبيرة خميرة فورية
نعجنها بالعجانه او باليد
والافضل تنعجن كويس بعد كذا باليد على سطح نظيف وناخذ العجينه ونضربها ع السطح النظيف
يعني تاخذينها وتذبينها بقوه عشان يطلع الهواء اللي فيها
نغطيها بفوطه نظيفة مبلولة شوي و نتركها تخمر 1/2
ساعة
او لحد ماتخمر

الحشوة
علبة كبيرة جبنة البقرات الثلاث تقريبا بنحتاج ثلاث ارباعها
نحط معها حبة فلفل احمر بارد مفروم فرم ناااعم
ملعقة صغيره نعناع ناشف
شوي بقدونس مفروم
نهرسهم مع بعض كويس بالشوكه
بعد ماتخمر العجينة نبدا نشتغل فيها
لا تنسون تشغلون الفرن اول ما تبدون تفردون عشان يصير جاهز
نفردها كويس على سطح نظيف و مرشوش عليه شوي دقيق لا تكثرون بعدين ما ترضى تلزق
نقطعها دوائر الحجم اللي تبون .. شفتوا القطاعات اللي 3 مع بعض ؟ انا استخدمت الوسط
ونحط تقريبا ملعقة اكل صغيرة في كل قطعة
نسكرهم على شكل قوراب
نضغط ع الجنب الايمين ونسكره ونفسه الايسر والوسط مانجيه ان شاء الله فهمتوا كيف
هون الطريقه توضح بالصوره
بعدين ندهن جوانبها بالفرشة بزيت الزيتون اللي نقعنا فيه الثوم
انتبهوا بس حطوا زيت لا تاخذون من الثوم اللي تحت
نجيب صينية التشيز كيك وندهنها برضو بزيت الزيتون اللي نقعنا فيه الثوم وندهن الجوانب بعد
ونبدا ناخذ كل حبة ونرش على جوانبها شوي أوريقانو "زعتر بري" شوي لا تكثرون تصير مرّه
نصفها مايلات و لاصقات ببعض
ندخلها الفرن و تكون النار من تحت لما تتحمر نقلب الحراره من فوق الين ما تاخذ لون يخقق

وعوافي يارب

الرابط المختصر: