مش رح الومك يا فلسطين

السبت 21 سبتمبر 2013

مش رح الومك يا فلسطين
التفاصيل بالاسفل

مش رح الومك يا فلسطين
لا على عمري الي ضاع ولا على املي الى ضاع ولا على حلمي الى مات
الومك على ايش يا فلسطين ؟؟؟
على الحزن الي عشتو والا القهر الي ذقتو
وكل ما اقول بدي اجدد ظروفي واعيد ترتيبات اموري واستعد لفرحي وسروري ارجع احزن وابكي من جديد
الومك ملامه العشاق يا فلسطين
لأني بعشقك طينك ودينك
بس انت ما بتحبيني
ولو بتحبيني كان ما سبتيني مجروح وقلبي عليكي مشلوع
ثوار طلعو وما رجعو
بس انا والله ما زعلان منك بس زعلان عليكي
ولا خايف منك بس وحياتك خايف عليكي
بس انشاء الله يومي قبل يومك انا يومي حاسو قرب بس انتي يومك ليوم الدين
الومك لأنو في بقلبي غيره زي غيرة بن المغيره
أنا حابب اضل عايش فيكي بس برضو لأزم أحميكي وبدمي افديكي
حتى انصر اسلامي وديني
كل شعري عشانك
حتى اسمي عشانك
سموني سلام بس لا قيتو ولا هو لاقني
عمري واحد وعشرين بس اسمي ضايع
معلش يافلسطين انا والله ما ببكي على حالي ولاعلى اسمي وعنواني ولا على مالي
انا والله ببكي عشانك على حالك واحواك
عشان بحبك
وبحب ناسك
بحب طيبك واحساسك
الظلم ماسكني كاشي أساسي
وكل ما اعطش اصب واشرب من مر كاسك